နိုင်ငံတော်သမ္မကြီး မင်းပြားမြို့သူ/သားတိနန့် တွိဆုံပြီး ကယ်ဆယ်ရေး ပစ္စည်းတိပီးအပ်

မင်းပြား (သြဂတ် ၆၊ ၂၀၁၅)

        (၆-၈-၂၀၁၅) ရက်နိက ရခိုင်ပြည်၊ မင်းပြားမြို့သို့ နိုင်ငံတော် သမ္မတ ဦးသိန်းစိန် ရောက်ဟိလာပြီးကေ ယင်းနိ ညဇာဖက်သား (၃)နာရီ အချိန်လောက်မာ မင်းပြားမြို့၊ ရာမောင်ခန်းမမာ မင်းပြားမြို့သူ/သားတိနန့် တွိဆုံပနာ ကယ်ဆယ်ရေးပစ္စည်းတိ ပီးအပ်ခရေလို့ သတင်းရဟိပါရေ။

       နိုင်ငံတော် သမ္မတကြီးက အဂုပိုင်ပး ကိုယ်တိုင်ကိုယ်ကျ လာရောက်ရခြင်းမာ သိချင်စွာတိကို သိချင်လို့ လာရောက်ရစွာ ဖြစ်ကြောင်း၊ အဓိကအချက်က စားဖို့၊ နောက် ဝတ်ဖို့၊ နောက် နီဖို့ လိုအပ်ကြောင်း၊ ပထမဆုံး အစာစားနိုင်ဖို့ စီမံဆောင်ရွက်ပီးနီယာ ဖြစ်ကြောင်း၊ နောက် အဆင့်ဆင့် ဆောင်ရွက်ပီးလားဖို့ ဖြစ်ကြောင်း၊ ပြန်လို့ လယ်ထွန် စပါးစိုက်နိုင်ဖို့အတွက် စပါးကောက်မျိုးအပါအဝင် လယ်ထွန်စက်တိကိုလည်း စီမံဆောင်ရွက်ထားကြောင်း၊ ပျက်စီးလခရေ အိမ်တိကို ပြန်လို့ ဆောက်ပီးဖို့၊ သောက်ရီ သောက်လို့ရနိုင်ဖို့ ဆောင်ရွက်နီယာ ဖြစ်ကြောင်း ပြောကြားခရေလို့ သိရပါရေ။

       ယင်းနောက် ရခိုင်ပြည် ဝန်ကြီးချုပ်က ဒေ ရီကြီးမှုစွာ ရခိုင်ပြည်မာ အကြီးမားဆုံး ရီကြီးမှုဖြစ်ကြောင်း၊ ပျက်စီးလားရေ မျိုးစပါးအားလုံးကို နိုင်ငံတော်က အချိန်မီ ပီးလားဖို့ဖြစ်ကြောင်း၊ ပျက်စီးလားရေ လယ်ပြင်တိကို ပြန်လို့ထွန်ဖို့ ရခိုင်ပြည်အတွက် လယ်ထွန်စက် အစီး (၁၀၀) ချထားပီးဖို့ဖြစ်ကြောင်း၊ ပျက်စီးဆုံးရှုံးမှုအတွက် ဓားမတချောင်း၊ ပေါက်တူးတလက်ကအစ အားလုံးကို နိုင်ငံတော်က ပြန်လို့ ပီးအပ်လားဖို့ ဖြစ်ကြောင်း ပြောကြားခရေလို့ သိရပါရေ။

         ယင်းနောက် မင်းပြားမြို့က ဒေသခံ ဦးလှမောင်သာက "ကျွန်တော်ရို့ မြို့ကို ဇူလိုင် ၂၇ ရက်နိကပင် ရီစလို့တက်ပါရေ။ မင်းပြားမြို့မာ ရွာပေါင်း ၂၄၆ ရွာ ဟိစွာ ရွာပေါင်း ၂၀၀ ကျော် ရီမြုပ်ပနာ လူ ၁၆ ယောက် သီဆုံးခရပါရေ။ ရွာတရွာတည်းက ၉ ယောက် သီစွာတောင် ဟိပါရေ။ နောက်ထပ် ဒေပိုင်မဖြစ်စီဖို့အတွက် ရီကြီးလာကေ ခိုလှုံဖို့ရအောင် ရီလွတ်တေနီရာတိမာ ဆိုင်ကလုန်းဆန်တာတိကို တည်ဆောင်ပီးဖို့ နိုင်ငံတော်အစိုးရနန့် အဖွဲ့ဝင်တိကို မေတ္တာရပ် ခံပါရေ။" ကျေးဇူးတင်စကား ပြောစွာမာ ထည့်သွင်း ပြောကြားခပါရေလို့ သိရပါရေ။

         ယင်းနောက် အခမ်းအနားကို ရုပ်သိမ်းပြီးကေ နိုင်ငံတော်သမ္မတနန့် အဖွဲ့ဝင်တိ မင်းပြားမြို့က ပြန်လို့ထွက်ခွာ လားခကြောင်း သတင်းရဟိပါရေ။

မင်းပြား - သတင်း
    6 - 8 - 2015