မင်းပြား (သြဂတ် ၇၊ ၂၀၁၅)
ရခိုင်ပြည်၊ မင်းပြားမြို့နယ်က ရီဘေး ဒုက္ခသည်တိအတွက် သင်္ဂဟကမ်းလက်ရက္ခိတအဖွဲ့ နန့် ကျောက်ဖြူ ကျေးလက်ဒေသဖွံ့ဖြိုးရေးအသင်း ပူးပေါင်းပနာ အစားအစာ ရိက္ခာတိကို (၇-၈-၂၀၁၅) ရက်နိက လာရောက် ထောက်ပံ့ပီးခကတ်တေလို့ သတင်းရဟိပါရေ။
မင်းပြားမြို့နယ် အညာရီကြီးမှုကြောင့် ရီဘေးဒုက္ခကို ခံစားနီရပြီးကေ အသီအပျောက် အများဆုံးရွာဖြစ်တေ ငစရိုင်းချောင်းကျွန်းက မြစ်နားရွာအပါအဝင် မင်းရွာ၊ ထောင့်ချေ၊ အဝရွာ စုစုပေါင်း ရွာ (၄)ရွာ အတွက် ဆန်အိတ် စုစုပေါင်း (၁၂၅) အိတ်၊ ဆားအိတ် (၂၀)အိတ်၊ မာမားခေါက်ဆွဲခြောက်၊ အချေတိစားဖို့ မုန့်မျိုးစုံနန့် ဖယောင်းတိုင်ထုတ်တိကို လူဦးရွီ အချိုးအစားအလိုက် လူတယောက်ကို ဆန် (၅)ဘူးနှုန်းစီ ပီးနိုင်ခရေလို့ သိရပါရေ။
အညာရီတက်လာလို့ ရွာက လောင်းစီးပနာ တောင်သို့ပြီးကတ်ခါ လောင်းမှောက်လို့ သီဆုံးလားရေ မြစ်နားရွာက (၉) ယောက်နန့် အဝရွာက (၁)ယောက် စုစုပေါင်း (၁၀)ယောက်အတွက် သူရို့ မိသားစုဝင်တိကို ဆန်တအိတ်စီနှုန်း ထောက်ပံ့ပီးခရေလို့ သိရပါရေ။
အဂုပိုင် မင်းပြားမြို့နယ်က ရီဘေး ဒုက္ခကို ခံစားနီကတ်တေ အမျိုးတိအတွက် တတ်နိုင်သလောက် ဝိုင်းဝန်း ကူညီ ထောက်ပံ့ပီးကတ်တေ သင်္ဂဟကမ်းလက် ရက္ခိတအဖွဲ့၊ အလှူရှင်၊ စေတနာရှင်တိနန့် ကျောက်ဖြူ ကျေးလက်ဒေသဖွံ့ဖြိုးရေးအသင်း ကို မင်းပြားမြို့နယ်သူ/သားတိ ကိုယ်စား ကျေးဇူးမှတ်တမ်း တင်ဟိပါရေ။
မင်းပြား - သတင်း
7 - 8 - 2015
0 comments:
Speak up your mind
Tell us what you're thinking... !