မင်းပြား (မေ ၃၀၊ ၂၀၁၅)
ရခိုင်ပြည်၊ မင်းပြားမြို့မာ ဒေနှစ် နီရာသီ သောက်/သုံးရီ ယှားပါးမှုကြောင့် မြို့သူ/သားတိ ရီ အခက်အခဲနန့် ရင်ဆိုင်နီကတ်ရပါရေ။
မင်းပြားမြို့ထက်မာဟိရေ ရီကန်တိ အားလုံးနီးပါး ရီခမ်းခြောက်လားပါယာ။ မင်းပြားတမြို့လုံး သောက်ရီအတွက် အားကိုးနီရရေ "မင်းကန်" လေ့ ရီခမ်းခြောက်လားခရေ အတွက်နန့် မေလ (၂၈) ရက်နိကပင် စတင်လို့ ကန်ကို ပြန်လို့တူးနီပါယာ။
သောက်/သုံးရီအတွက် မြို့နန့် ၁၀/၉ မိုင် ဝီးရေ ရွာတိက ရီကန်တိက ရီကို မီးသတ်ကား၊ ရီတင်ကား၊ ကား နည်းမျိုးစုံနန့် တင်ပနာ မြို့လူထု ရီရဟိဖို့ မီးသတ်တပ်ဖွဲ့နန့် စည်ပင်က ဦးဆောင်ပြီးကေ မြို့က ပရဟိတအဖွဲ့တိ၊ စေတနာရှင်တိက ဆောင်ရွက်ပီးနီကတ်ပါရေ။
မင်းပြားမြို့ထက်မာ အဂုအချိန်ထိ သောက်ရီကန်ဆိုလို့ မြို့မတောင်ကျောင်း ရီကန် တခုတည်းမာရာ ရီစကေချေ ကျန်ပါယာ။ ဒေရီကန်က မြို့သူ/သားတိ သောက်ရီ ရဟိနိုင်ဖို့အတွက် နိစိုင် မိုးထ (၇) နာရီက (၈) နာရီထိ အချိန် အကန့်အသတ်နန့် ရီခပ်ခွင့် ပြုထားပါရေ။
မင်းပြားသူ/သားတိ ရီအခက်အခဲကို တဖက်တလမ်းက အထောက်အကူဖြစ်နိုင်ဖို့အတွက် မြို့နယ်သံဃာတော်တိက စစ်တပ်ကို အကူအညီတောင်းပနာ ကျိန်းတောင်ခြီရင်း ရွှေမင်းကန်ရပ်ကွက် အောင်မြေကုန်းဘုန်းကြီးကျောင်းဝင်းထဲမာ တည်ဟိရေ စစ်တပ်ရီလှောင်ကန်က အချိန်ကန့်သတ်ချက်နန့် သောက်/သုံးရီ ဖြန့်ဝီပီးနီရပါရေ။
ဒေဂု မြင်ရရေ ပုံတိကို ကြည့်ရုံနန့် ၂၀၁၅ ခုနှစ် နီရာသီအချိန် မင်းပြားမြို့မာ သောက်ရီ/သုံးရီ အခက်အခဲ ဇာလောက်ထိ ဖြစ်နီကတ်တေဆိုစွာကို ခံစားသိနိုင်ပါလိမ့်မေ။
မင်းပြား - သတင်း
30 - 5 - 2015
0 comments:
Speak up your mind
Tell us what you're thinking... !