မင်းပြား (April 25, 2016)
မင်းပြားမြို့ ကျိန်းတောင်ဇိဝှါဓာတ်တော် ဗုဒ္ဓပူဇနိယပွဲတော်အပြီး ကျန်ရစ်သော အမှိုက်များကို Mongbra Youth Association (ယာယီ)မှ လူငယ် (၆)ဦးက ယနေ့ (၂၅-၄-၂၀၁၆)နံနက်ပိုင်းက သန့်ရှင်းရေးလုပ်ခဲ့ကြကြောင်း သိရသည်။
အဆိုပါ လူငယ် (၆)ဦး အင်အားဖြင့် ကျိန်းတောင်ဘုရားရင်ပြင်နှင့် အနီးတဝိုက်ရှိ ပလပ်စတိတ်အိတ်နှင့် အခြားအမှိုက်များကိုသာ ရှင်းလင်းနိုင်ခဲ့ပြီး ကျန်သော နေရာများဖြစ်သည့် ဇောင်းတန်းအနီးတဝိုက်၊ ကုသိန္နာရုံ၊ ကျင်ကွင်းနှင့် ဇာတ်ကွင်းရှိ အမှိုက်များကို ရှင်းလင်းမှု မပြုလုပ်နိုင်ခဲ့ကြောင်း အမှိုက်ကောက် လှုပ်ရှားမှုတွင်ပါဝင်ခဲ့သည့် ကိုငြိမ်းချမ်းကျော် က ပြောသည်။
Mongbra Youth Association (MBYA) (ယာယီ)ကို မင်းပြားမြို့မှ လူငယ်များဖြင့် ဖွဲ့စည်းထားပြီး မင်းပြားမြို့၏ ဖွံ့ဖြိုးတိုးတက်ရေး လုပ်ငန်းများကို တတ်နိုင်သလောက် ဆောင်ရွက်သွားရန် ရည်ရွယ်ထားကြောင်း သိရသည်။
မင်းပြား - သတင်း
25 . 04 . 2016
Photo: Nyein Chan Kyaw
0 comments:
Speak up your mind
Tell us what you're thinking... !