မင်းပြား (ဇွန် ၁၀၊ ၂၀၁၅)
ရခိုင်အမျိုးသားပါတီဧ့ ပါတီတွင်း လွှတ်တော် ကိုယ်စားလှယ်လောင်း ရွီးချယ်ပွဲကို မင်းပြားမြို့မာ (၁၀-၆-၂၀၁၅) ဒေနိ ပြုလုပ်ခရေလို့ သိရပါရေ။
"ယင်း ရခိုင်အမျိုးသားပါတီ ပါတီတွင်း လွှတ်တော်ကိုယ်စားလှယ်လောင်း ရွီးချယ်ပွဲကို မင်းပြားမြို့၊ မြို့မတောင်ကျောင်း၊ ဓမ္မာရုံအတွင်းမာ ဒေနိ မိုးထ (၉) နာရီက ညဇာဖက် (၆) နာရီခွဲလောက်ထိ အောင်မြင်စွာ ပြုလုပ်နိုင်ခပြီးကေ လူ (၃၀၀) ကျော် တက်ရောက် ကြည့်ရှု နားထောင် လာကတ်တေ" လို့ မင်းပြားမြို့နယ်၊ ရခိုင်အမျိုးသားပါတီ၊ ပြန်ကြားရေးတာဝန်ခံ ဦးသိန်းစံ က ပြောပါရေ။
မင်းပြားမြို့နယ်အတွင်း ရခိုင်အမျိုးသားပါတီ လွှတ်တော်ကိုယ်စားလှယ်လောင်းအဖြစ် အရွီးချယ်ခံရရေ လွှတ်တော် ကိုယ်စားလှယ်လောင်းတိက ဆိုပါကေ -
၁။ အမျိုးသားလွှတ်တော်
ဦးအေးသာအောင်
၂။ ပြည်သူ့လွှတ်တော်
ဦးစစ်နိုင်
၃။(က)ပြည်နယ်လွှတ်တော်အမှတ်(၁)
ဦးလှသိန်းအောင်
(ခ)ပြည်နယ်လွှတ်တော်အမှတ်(၂)
ဦးလှအောင်ညွန့် ရို့ဖြစ်ပါရေ။
မင်းပြားမြို့နယ် ရခိုင်အမျိုးသားပါတီ လွှတ်တော် ကိုယ်စားလှယ်လောင်းအဖြစ် အရွီးချယ်ခံခကတ်တေ ပုဂ္ဂိုလ်တိ စာရင်းနန့် အရွီးချယ်ခံရရေ ပုဂ္ဂိုလ်တိ စာရင်းကို ပူးတွဲပနာ တင်ပြပီးလိုက်ပါရေ။
မင်းပြား - သတင်း
10 - 6 - 2015
0 comments:
Speak up your mind
Tell us what you're thinking... !