ဘုတ်စီးဒုက္ခသည် ဘင်္ဂလီကုလားတိကို ရခိုင်ပြည်က အယင်ဆုံး နှင်ထုတ်ပီးဖို့ မင်းပြားမြို့မာ ဆန္ဒဖော်ထုတ်ပွဲပြုလုပ်

မင်းပြား (ဇွန် ၁၄၊၂၀၁၅)

        ဘင်္ဂလားဒေ့ရ်ှနိုင်ငံက ဘုတ်စီးထွက်လာရေ ရီမျှောကမ်းတင် ဘင်္ဂလီ ကုလားတိကို ရခိုင်​ပြည်​၊ မောင်တောမြို့နယ်၊ တောင်ပြိုလက်ဝဲမြို့၊ ယာယီစခန်းမာ ခိုလှုံခွင့်ပီးထားစွာကို ရခိုင်ပြည်က အယင်ဆုံး နှင်ထုတ်ပီးဖို့အတွက် ဆန္ဒဖော်ထုတ်ပွဲတရပ်ကို မင်းပြားမြို့မာ (၁၄-၆-၂၀၁၅) တလင်းဂနီနိ နိခင်းဖက်သား (၁) နာရီအချိန်မာ ပြုလုပ်ခရေလို့ သတင်းရဟိပါရေ။

        "မိုးရွာနီကေလေ့ မိုးစွပ်ခံပနာ ဆန္ဒဖော်ထုတ်ပွဲကို အောင်မြင်အောင် လုပ်နိုင်ခပါရေ။ ဒေတခါ ဆန္ဒဖော်ထုတ်စွာ မင်းပြားမာ ခရီးအကြာဆုံးဖြစ်ပါရေ။ မြို့လူထုတောင်မက မင်းပြားမြို့နန့် အဝီး၊ အပါး ရွာတိက ရွာသူ/သားတိပါ ဘုတ်တိ၊ ဂါရီတိနန့်စီးလို့ လာပနာ ပူးပေါင်းဆန္ဒဖော်ထုတ်ခရေအတွက်နန့် လူအင်အား (၃၀၀၀) လောက်တောင်​ဖြစ်​ခပါ​ရေ" လို့ ဆန္ဒဖော်ထုတ်ပွဲကို ဦးဆောင်သူ ဦးမိုးနိုင် (ဥက္ကာပျံရပ်ကွက်) က ပြောပါရေ။

        နိခင်းဖက်သား (၁) နာရီအချိန်လောက်မာ မြို့နယ်ဓမ္မာရုံကြီးက စလို့ထွက်ပနာ ကမ်းနားလမ်း၊ ရုံးတက်လမ်း၊ မြောင်းဘွေလမ်း၊ ဦးဥတ္တမလမ်း(ဥက္ကာပျံရပ်ကွက်)၊ ဂန့်ဂေါ်မြိုင်လမ်း၊ ရုံးတက်လမ်း၊ စွန်ရဲလမ်း၊ အောင်ချမ်းသာလမ်း (ပြည်တော်လှကန်ဘောင်ဘေး)၊ ဦးကျော်ဦးလမ်း၊ အောင်မေတ္တာလမ်း၊ စိုးမဲကျီလမ်း၊ အောင်သစ္စာလမ်း၊ ကမ်းနားလမ်းအတိုင်း လမ်းလျှောက်ချီတက် ဆန္ဒဖော်ထုတ်ပနာ မြို့နယ်ဓမ္မာရုံကြီးမာ ပြန်လို့ စုရုံးပြီးကေ ဟောပြောပွဲလုပ်ခရေလို့ သိရပါရေ။

           ဟောပြောပွဲကို နိခင်းဖက်သား (၂) နာရီကျော်လောက်မာ စတင်ပနာ မင်းပြားမြို့၊ အောင်သိဒ္ဒိမင်္ဂလာဓမ္မပီကျောင်းတိုက် ဆရာတော် ဘဒ္ဒန္တ ဓမ္မပီယက ဟောပြောခပြီးကေ အမျိုးသားရေးဝါဒီဆရာတော် ဦးဝီရသူ ဘားက ပီးပို့ထားရေ သဝဏ်လွှာကို ဆန္ဒဖော်ထုတ်ပွဲ ဦးဆောင်လှုပ်ရှားသူ တယောက်ဖြစ်တေ ဦးသိန်းစံ က ဖတ်ကြားပီးခရေလို့ သိရပါရေ။ ယင်းနောက် နိခင်းဖက် (၂) နာရီခွဲလောက်မာ ဆန္ဒဖော်ထုတ်ဟောပြောပွဲကို အောင်မြင်စွာ အဆုံးသတ် လူစုခွဲနိုင်ခရေလို့ သတင်း ရဟိပါရေ။

          မိုး တပျင်းရွာနီရေကြားထဲက ဘုတ်စီးဘင်္ဂလီကုလားတိကို အယင်ဆုံး နှင်ထုတ်ဖို့ ဆန္ဒဖော်ထုတ်ပွဲကို လာရောက် ပူးပေါင်း ဆန္ဒဖော်ထုတ်ပီးကတ်တေ မင်းပြား မြို့သူ/သားတိနန့် အဝီးကြီးကပင် ဘုတ်စီး၊ ဂါရီစီးလို့လာကတ်တေ ရွာသူ/သားတိကို ကောင်းကောင်းကြီး ကျေးဇူးတင်ရှိပါကြောင်း မှတ်တမ်းတင်အပ်ပါရေ။

မင်းပြား - သတင်း
  14 - 6 - 2015