မင်းပြား (ဇူလိုင် ၁၂၊ ၂၀၁၅)
ရခိုင်ပြည်၊ မင်းပြားမြို့မာ ရခိုင်အမျိုးသားပါတီ (ANP) အင်အားတိုးချဲ့ဖွဲ့စည်းနိုင်ဖို့အတွက် မြို့နယ်လုံးကျွတ် အစည်းအဝေးတရပ်ကို (၁၁-၇-၂၀၁၅) ရက်နိက မင်းပြားမြို့၊ မြို့မတောင်ကျောင်း၊ ဓမ္မာရုံအတွင်းမာ ပြုလုပ်ခရေလို့ သတင်းရဟိပါရေ။
ယင်းအခမ်းအနားသို့ ရခိုင်အမျိုးသားပါတီ (ဗဟို) ဒုဥက္ကဋ္ဌ ဒေါ်အေးနုစိန်၊ ရခိုင်အမျိုးသားပါတီ ဗဟိုအလုပ်အမှုဆောင် ကော်မတီဝင် ဦးအေးသာအောင် နန့် မင်းပြားမြို့နယ်တခုလုံးက ရခိုင်အမျိုးသားပါတီဝင်တိ၊ မြို့သူ/သားတိ စုစုပေါင်း (၃၀၀) လောက် တက်ရောက်ခကတ်တေလို့ သိရပါရေ။
"ဒေဂုပိုင် အင်အားတိုးချဲ့ဖွဲ့စည်းရစွာက မင်းပြားမြို့နယ် (ANP) ကော်မတီဝင် (၆၃)ယောက်ဟိရေ။ ယင်း ၆၃ ယောက်မာ သီဆုံးလားလူ၊ နှုတ်ထွက်လားလူတိဟိလို့ လက်ဟိကျန်နီရေ (၅၃) ယောက်မာ နောက်ထပ် အင်အား (၄၇) ယောက် ထပ်လို့ဖြည့်ပနာ အင်အား (၁၀၀) ဖြစ်အောင် ပြန်လို့ တိုးချဲ့ဖွဲ့စည်းခစွာပါ။ နောက်တနည်း ပြောရဖို့ဆိုပါကေ တိုးချဲ့ဖွဲ့စည်းရရေ အကြောင်းက ဒေဂု ၂၀၁၅ အထွေထွေရွီးကောက်ပွဲမာ အခြားပါတီတိနန့်တတူ ကျွန်တော်ရို့ပါတီကလေ့ အောင်နိုင်ရေးအတွက် အင်နန့်အားနန့် ဝင်ပြိုင်နိုင်အောင်၊ မြန်မာနိုင်ငံတော်ဧ့ အစိုးရ ဥပဒေတိနန့်အညီ၊ လိုအပ်ချက်တိနန့်အညီ၊ ငြိမ်းချမ်းပြီးကေ သာယာမျှတရေ ရွီးကောက်ပွဲ တခု ဖြစ်လာဖို့ကို မျှော်လင့်ချက်လို့ ဒေအစည်းအဝေးကို လုပ်ရခြင်းဖြစ်ပါရေ။" လို့ မင်းပြားမြို့နယ် ရခိုင်အမျိုးသားပါတီ ဒုဥက္ကဋ္ဌ (၁) ဦးကျော်မြသာ က ပြောပါရေ။
ယင်းအစည်းအဝေးမာ အဖွဲ့ဝင်အား အင်အား (၁၀၀) ကို ရွီးကောက်တင်မြှောက် အင်အားတိုးချဲ့ပြီးကေ အကြောင်းအမျိုးမျိုးကြောင့် လစ်လပ်နီရေ မြို့နယ်ကော်မတီဝင် နီရာတချို့ကိုလေ့ ပြန်လို့ ရွီးကောက်တင်မြှောက်ပနာ ပြန်လို့အင်အား ဖြည့်ခရေလို့ သိရပါရေ။
မင်းပြား - သတင်း
12 - 7 - 2015
0 comments:
Speak up your mind
Tell us what you're thinking... !