မင်းပြား (သြဂတ် ၄၊ ၂၀၁၅)
ရခိုင်ပြည်၊ မင်းပြားမြို့နယ်က ရီဘေးဒုက္ခသည်တိကို ထောက်ပံ့ပီးနိုင်ဖို့အတွက် (၄-၈-၂၀၁၅) ရက်နိကခါ နယ်စပ်ရေးရာဝန်ကြီးဌာန၊ အမြဲတမ်းအတွင်းဝန် ဦးစံရွှေအောင် နန့် ဇနီး ဒေါ်အေးအေးသန်း မိသားစုက ဖေသာ ကျပ်သိန်း (၁၀၀) ပီးအပ် လှူဒါန်းခရေလို့ သတင်းရဟိပါရေ။
အလှူဖေသာပီးအပ်ပွဲကို မင်းပြားမြို့၊ ရီဘေးဒုက္ခသည် ကူညီထောက်ပံ့ရေးစခန်း ဖွင့်ထားရေ ကျိန်းတောင်တက်လမ်းနားက ဓမ္မိကာရုံဘုန်းကြီးကျောင်းမာ ယင်းနိ မိုးထ (၁၀း၀၀) နာရီ အချိန်က ပြုလုပ်ခပြီးကေ ယင်းအခမ်းအနားသို့ နိုင်ငံတော် ဗဟိုဝန်ဆောင် ဆရာတော်၊ မြို့နယ် သံဃနာယကဆရာတော်၊ ဂိုးပေါင်းစုံ စည်းကမ်းထိန်းသိမ်းရေး ဆရာတော်၊ မဘသ ဆရာတော်၊ တိုင်းဗဟို (၉) ကျောင်းအုပ်ကြီး၊ မြို့နယ်အဆင့် ဌာနဆိုင်ရာပုဂ္ဂိုလ်တိ၊ နိုင်ငံရေးပါတီတိက တာဝန်ဟိပုဂ္ဂိုလ်တိ၊ လူမှုအဖွဲ့အစည်းတိက တာဝန်ဟိပုဂ္ဂိုလ်တိ စုစုပေါင်း (၅၀) ကျော်လောက် တက်ရောက်ခကတ်တေလို့ သိရပါရေ။
ယင်း အလှူပွဲပီးအပ်ပွဲ အခမ်းအနားမာ နယ်စပ်ရေးရာဝန်ကြီးဌာန၊ အမြဲတမ်းအတွင်းဝန် ဦးစံရွှေအောင် နန့် ဇနီး ဒေါ်အေးအေးသန်း မိသားစုက မင်းပြား ရီဘေးဒုက္ခသည်များ ကူညီထောက်ပံ့ရေးအဖွဲ့သို့ ဖေသာ ကျပ်သိန်း (၁၀၀) ပီးအပ် လှူဒါန်းခပြီးကေ အဖွဲ့က တာဝန်ဟိ ပုဂ္ဂိုလ်တိက လက်ခံ ရယူခကတ်တေလို့ သိရပါရေ။
ယင်းချင့်ပြီးကေ နယ်စပ်ရေးရာဝန်ကြီးဌာန၊ အမြဲတမ်းအတွင်းဝန် ဦးစံရွှေအောင်က တက်ရောက်လာကတ်တေ မင်းပြားမြို့နယ်က နိုင်ငံရေးပါတီတိဖြစ်တေ ရခိုင်အမျိုးသားပါတီ (ANP)၊ ပြည်ခိုင်ဖြိုးပါတီ၊ တိုင်းရင်းသား စည်းလုံးညီညွတ်ရေးပါတီ၊ ရခိုင်မျိုးချစ်ပါတီ (APP) ရို့အတွက် ပါတီတခုစီကို ဖေသာ ကျပ် (၁၀)သိန်းစီနန့် သံဃာတော်တိအတွက် ဖေသာ ကျပ် (၁၀)သိန်း ပီးအပ် လှူဒါန်းခရေလို့ သိရပါရေ။
ယင်းအခမ်းအနားမာ နယ်စပ်ရေးရာဝန်ကြီးဌာန၊ အမြဲတမ်းအတွင်းဝန် ဦးစံရွှေအောင်က မင်းပြား ရီဘေးဒုက္ခသည် ကူညီထောက်ပံ့ရေး အဖွဲ့ကို ဆရာတော် သံဃာတော်တိ ကြီးမှူးပြီးကေ သက်ဆိုင်ရေ ဌာနဆိုင်ရာ လူကြီးတိအပါအဝင် မင်းပြားမြို့က လူမှုရေးအဖွဲ့တိနန့် စုပေါင်းလို့ စနစ်တကျ ဖွဲ့စည်းပနာ ရီဘေး ဒုက္ခသည်တိကို ကူညီထောက်ပံ့ပစ္စည်းတိ အယင်ဆုံး နည်းလမ်းတိနန့် လားရောက် ပီးအပ်ဖို့ လမ်းညွှန် မှာကြားခရေလို့ သိရပါရေ။
မင်းပြားမြို့နယ် အညာရီ နစ်မြုပ်မှုကြောင့် ရီဘေးဒုက္ခသည်တိကို အချိန်မီ ကယ်တင်နိုင်ဖို့ အတွက် (၂၈-၇-၂၀၁၅) ရက်နိကပင် နယ်စပ်ရေးရာဝန်ကြီးဌာန၊ အမြဲတမ်းအတွင်းဝန် ဦးစံရွှေအောင်က လမ်းညွှန်ခပြီးကေ ရီဘေးဒုက္ခသည်တိ အတွက် အစားအစာ ရိက္ခာတိ ကူညီထောက်ပံ့ ပီးနီခစွာ ဖြစ်ပါရေ။
မင်းပြား - သတင်း
4 - 8 - 2015
0 comments:
Speak up your mind
Tell us what you're thinking... !